Qafar Rakaakayal takkem Qedbo milaagu inna Asaasak yan milaaguy ??

Qafar Agatih rakaakay miraacissa Siyaasa^massoyna der uddurih giclo kee Adda kee Addah kookaxaw kee Agat siyaasah migdi koraay,Qafar Qunxaaneytih xongoloolak ugutak milaagu hirigtuh massowtem kee Naharsi kudok 24 Qembisak gexissu wayta Amolladi koboxul milaaguh faxxiima miraaciinu yayfukuneenim abeloonumut uddurrutan way yemeeteenim Noobbem tamixxigeh

Toh tonnal anuk Away Qafar rakaakayal siyaasah caalat kee kulli langil Ayyuntal xongolo qidda taqbitte raqtuh takkem faxximtam Anni milaaguuy,iyyaanam cubbi faxxa tiya

1.Qedbo-Milaagu (maintenance cosmetic change )

Qedbo milaagu kak iyyaanam doolat kee massoyna luk sugteh tan mabla kee fooca korse kalah dagoo timixxige caagidal milaagu abak sugeh yan uma caalatih sarrimaaneh gita fakaanamih gibbatu kinni.

Ceelalloh ”inki Qariy,raduh Qeegit sugey inki xabanah soolak sugek Qeegeh yan xaban massoyse kalah elle suge Qeegil elle Kalam kaal duugak diglo-bohoy Ankuse kalah dubuh Bisu kaak milaagaanama iyyaanama”

Doolat tah abtam kaadu luk sugen caalatak korsitaanamal baguuk Aamine-kalah yemeexege marih Aytikumay waytimteh sugte elle geyoonuh abaanam bictah

2.Asasak yan milaagu akak iyyaanam kaadu doolat luk sugeh yan baxaabaxsa le taqbitteetak korsituuy, Ayyuntak mano-milaaguh Numma kee Ayyunti gabah Aglel miracsenta dubuk hinnay Mablaay, xisne kee caalat korsa abak ummattak Numma milaagi (transformational change ) abaanama ta milaagi yamaatuh Ayyunti edde yangaleeh Qadaalat kee kulli marih mabla elle arcibisan gital taqbittek korsitaanamak afal taqbittek asasal sitta geyaanam faxximtaah,

Tah dubuk hinnay, massoynah caddol gitak hodde siyaasa-mabla kee Aamantittek (political ellusion/delusion ) buxuxuuk bayisak

Numma siyaasah gexsit kee mablay makoo kee sarri sinni (political reality ) fan korsitaanam faxximtaah,

Ta milaagi digga luk yakkuh doolat kee massoynak mabla dubuk hinnay, doolat abnisa kee mihratleela milaagu Quuktuh faxxiima saysalo milaagu (structural change) abak umaadoobaay atlaake kee marde-gaaboyso-raceyna tekke Ayfaafay aroocay Ayyunti Aamanti aalle sinnik weelo kee abbinoosiyya dudda massoosak Ayyunti kibal elle le Ayfaafay raceynaani abaanam faxximta

Tah akke kalah milaagi miraciinok Fooca milaaganam dubuk tekkek siyaasa-nafqi maliiy, Ayyunti manoh milaaguh xiqam lem yot macelta

Isin liton mabla edde osissaanam essera?